काठमाडाैं – राष्ट्रिय नाँचघर जमलको सभाकक्षमा ओखलढुङ्गाकी स्वरसुन्दरी गद्य/पद्य मुक्तकजस्ता विधाप्रविधासमेतमा सशक्त कलम चलाउँने सुशीला शर्मा धमालाको एकल गजलवाचन भव्य रूपमा सम्पन्न भएको छ ।
मुक्तिनाथ दर्शन साहित्य समाज नेपाल,काठमाडौँले आयोजक गरेको उक्त कार्यक्रममा संस्थाका अध्यक्ष कलानिधि दाहालको सभापतित्व, सङ्गीत कला प्रतिष्ठानका उपकुलपति शम्भु राईको प्रमुख आमन्त्रित आतिथ्य, कवि रूपक अलङ्कारले कार्यक्रम सञ्चालन गरेका थिए ।
कार्यक्रममा वाचित गजलहरूमाथि ज्ञानु विद्रोहीले सटिक समीक्षा गर्दै सुशीलाका गजलहरू अत्यन्त प्रभावपूर्ण रहेकाे बताएका थिए ।
भरत नेपालीको सारङ्गी, दुर्गाप्रसाद खतिवडाको बाँसुरी, लोकराज राईको सन्तुर बाद्यवादनले रोचकता उत्पन्न गरेकाे थियाे भने रामभजन कामत र मिलन नेपालीको नयाँ रङ्गमञ्च व्यवस्थापनले अन्तिमसम्म भरिभराउ दर्शक श्रोता रहेका थिए।
मञ्चको नयाँ सजावट शैली र वाचकको आकर्षक वाचनले एक घन्टामा सक्ने भनेको कार्यक्रम गड्गडाहट तालिका साथ दुई घन्टा लम्बिएको थियो ।
एकल गजलसाँझको आकर्षणमा नौ वटा वाचित गजलमध्ये सातवटा स्रष्टा ओखलढुङ्गे चेली सुशीला आफैँले र दुईवटाचाहिँ सरस्वती अर्याल र कल्पना भट्टराईद्वारा प्रस्तुत गरिएका थिए।
