रामेछाप – क्रियाशील पत्रकार महिला रामेछाप (WWJ) रामेछापले आज एक कार्यक्रमका बिच पत्रकार महासंघ रामेछापलाई प्रेस ज्याकेट र माक्स हस्तान्तरण गरेकाे छ ।लकडाउनका समयमा जाेखिम माेलेर जिल्ला स्तरमा पत्रकारिता गरिरहेका पत्रकारहरुलाई सुरक्षा सतर्कताकाे लागि सहजहाेस भन्ने हेतुले प्रेस ज्याकेट उपलब्ध गराएकाे हाे ।
वाइबा तथा लामा कन्स्ट्रक्सन प्रालि रामेछापकाे आर्थिक सहयाेगमा प्रेस ज्याकेट र मास्क क्रियाशील महिला पत्रकार रामेछापकी अध्यक्ष ज्ञानु श्रेष्ठले नेपाल पत्रकार महासंघ रामेछापका अध्यक्ष रमेश ढुङ्गेललाई हस्तान्तरण गरेकी हुन्। काेराेना भाइरस संक्रमणकाे डरले एक महिनादेखि भएकाे लकडाउनका कारण पत्रकारलाई समेत स्वास्थ्य सुरक्षामा चुनौती रहेको छ ।
लकडाउनका समयमा पनि पत्रकार भने सुचना संकलन ,समाचार प्रशारण तथा संप्रेषणकाे सिलसिलामा घरबाहिर निक्लिनु पर्ने हुन्छ । यस्ताे समयमा पत्रकारकाे सुरक्षा खत्रामा हुने र अनाहकमा सुरक्षाकर्मीकाे हप्काई समेत खानु पर्ने भएकाले पत्रकारलाई सुरक्षा सतर्कतामा सजिलाे बनाउनका लागि प्रेस ज्याकेट उपलब्ध गराइएकाे श्रेष्ठले बताइन् ।
