माघे संक्रान्ति पर्व नेपालमा विभिन्न समुदायले फरक तौरतरिकाले मनाउँछन् । फरक–फरक विधि र पम्परा अनुसार मनाइने माघे संक्रान्तिका दिन नुवाकोटको तारुकामा भने गोरु जुधाई आयोजना हुन्छ ।
पछिल्ला वर्षमा माघेसंक्रान्ति पर्व भन्ने बित्तिकै नुवाकोटको गोरु जुधाई पनि सम्झिन थालिएको छ । ऐतिहासिक परम्पराको रूपमा रहेको गोरु जुधाइ मेला एउटा भिन्न प्रकारको परम्परागत मेला हो। गोरु जुधाई मेला हेर्न जिल्ला तथा बाहिरि जिल्लाबाट समेत उल्लेख्य संख्यामा दर्शकको उपस्थित भएको छ ।
गोरु जुधाइमा दुई गोरुलाई मैदानमा छाडेर जुध्नका लागि उद्धेलित गरिन्छ। र, जुन गोरुले बीचमै जुध्न छाडेर मैदान छाड्छ त्यस गोरुलाई उपविजेता घोषित गरिन्छ भने अझै पनि जुध्न अडिग गोरुलाई विजेता घोषणा गरिन्छ।
विसं १८८७ मा तत्कालीन बझाङ्गी राजा विक्रमबहादुर सिंहका छोरा जयपृथ्वीबहादुर सिंह तारुकास्थित मामाघर आउँदा गोरु जुधाएर मनोरञ्जन दिलाएको स्मरणमा प्रत्येक वर्ष माघे सङ्क्रान्तिमा गोरु जुधाई मेला हुँदै आएको छ।
