काठमाडौं- नेकपाका केन्द्रीय सदस्य तथा पूर्वमन्त्री गोकुल बाँस्कोटाले प्रधानमन्त्री तथा पार्टी अध्यक्ष केपी शर्मा ओलीविनाको नेकपा कल्पना गर्नेहरुमाथि कडा टिप्पणी गरेका छन् ।
उनले सामाजिक सञ्जालमा ओलीविनाको नेकपा कल्पना गर्नेहरुलाई रामापिथेकसको कथा स्मरण गराएका छन् । नेकपाकै असन्तुषट समूहले ओलीबिनाको नेकपा बनाउने भन्दै गरेका भेला र बैठकलाई लक्षित गरी फेसबुकमा लेखेका छन्- ओली नभएको नेकपाको कल्पना गर्ने पनि नेकपामा छन भने तिनिहरुले चाहेको सबल नेकपाको चित्र कस्तो होला त ? गणितले राजनितिको हैन, राजनितिले गणितको फैसला गर्छ। तिनाउको किनारमा रामापिथेकसको नलिहाड खोजेर बसेको भए मञ्जुश्रीले काठमाण्डौमा बस्ती नै बसाउन सक्ने थिएनन ।
आइतबार मात्र नेकपा असन्तुष्ट नेताहरुले आगामी स्थायी कमिटी बैठकमा ओलीको विकल्प तोक्नु पर्ने अडान अघि सारेका थिए । पार्टीका अर्का अध्यक्ष पुष्पकमल दाहाल प्रचण्ड, वरिष्ठ नेता माधकुमार नेपालसहित एक दर्जनभन्दा बढी स्थायी कमिटी सदस्यहरु सम्मिलित बैठकमा सो निश्कर्ष निकालिएको हो ।
