कास्की जिल्लामा पर्ने रमणीय ताल हो बेगनास ताल । पोखरा भ्रमणमा आउनेहरुको प्रमुख गन्तव्य मध्येको एउटा बेगनास ताल मुख्य सहरबाट बाहिर छ।
शान्त वातावरणमा सुन्दर तालको मोहनी मुस्कान चाहनेहरुका लागि बेगनास ताल उपयुक्त गन्तव्य हो। सहरको कोलाहल र व्यस्थता छलेर छिनमै पुग्न सकिने प्रकृतिमय गन्तव्य हो बेगनास क्षेत्र ।
बेगनास सफा देखिन्छ। वरिपरि जंगल क्षेत्र भएकाले त्यसको स्वभाविक शितलता तालमा पनि परेको देखिन्छ। आँखामोहक र मनमोहक दुवै छ, बेगनास।
यहाँ दिनहुँ देश–विदेशका पर्यटक घुम्न र रमाउनका लागि आउने गरेका छन् । पछिल्लो समय यहाँ पर्यटकको चहलपहल विगतको भन्दा बढ्दै गएको छ ।
