काठमाडौं – वरिष्ठ फोटो पत्रकार तथा गीतकार हरिगोपाल प्रधानको ‘सरर बग्यो हावा’ गीतको म्युजिक भिडियो सार्वजनिक गरिएको छ । विश्व कीर्तिमानी गीतको म्युजिक भिडियो शनिबार कमलपोखरीको सिटी सेन्टरस्थित फुडकोर्टमा आयोजित एक समारोमा सार्वजनिक गरिएको हो । गीतमा सुबानी मोक्तान र निर्णय श्रेष्ठको स्वर छ।
कार्यक्रमको प्रमुख अतिथि प्रतिनिधिसभाकी उपसभामुख इन्दिरा राना मगर, विशेष अतिथि सांसद भगवती चौधरी, डा.रेखा यादव, किरणकुमार शाह, सराज अहमद फारुकी, नेपाल वायुसेवा निगमका कार्यकारी अध्यक्ष युवराज अधिकारी र वर्ल्ड बुक अफ रेकर्डस नेपाल च्याप्टरका अध्यक्ष सागर कट्वाल लगायतले भिडियो सार्वजनिक गरेका थिए ।
कोरियोग्राफर तथा मोडल आराध्यलक्ष्मी खड्गीले निर्देशन गरेको यस भिडियोमा चर्चित नेपाली ¥यापर निर्णय (एनएसके) र ‘मिस नेपाल अर्थ २०२२’ डा.सरिशा श्रेष्ठको मुख्य भूमिका रहेको छ ।
सोहन मानन्धरले छायांकन तथा सम्पादन गरेको उक्त भिडियो कुलेखानीमा छायांकन गरिएको हो । । भिडियोमा विविता पाण्डे, श्रीकृति बलामी, झरना रेग्मी, सुनिता खड्का र कृति बलामीको नृत्य रहेको छ ।
यसअघि उक्त भिडियो नेपाललाई एडभेन्चर हबको रूपमा प्रवर्द्धन गर्न पोखराको सारङ्गकोटबाट प्याराग्लाइडिङ उडान गरी १९०० मिटरको उचाइबाट पोस्टर र म्युजिक भिडियो सार्वजनिक गरि विश्व रेकर्ड राख्न सफल भएको थियो । यस गीतमार्फत गीतकार प्रधानले दोश्रोपटक विश्व कीर्तिमान राख्न सफल भएका छन् ।
