बहुचर्चित नेपाल प्रीमियर लिग (एनपीएल)) कृकेट आजदेखि सुरु भएको छ । त्रिवि कृकेट मैदानमा भव्य रुपमा प्रतियोगिताको उद्घाटन भएको छ । मैदानमा हजारौं दर्शक पुगेका थिए । उद्घाटनमा जनकपुर बोल्ट्सले विराटनगरविरुद्ध शानदार जित निकालेको छ।
विराटनगरले दिएको १२८ रनको लक्ष्य जनकपुरले १५.३ ओभरमा २ विकेट गुमाएर पूरा गर्यो। तेस्रो विकेटका लागि लाहिरु मिलान्था र हर्ष ठाकेरले १ सय १६ रनको अविजित साझेदारी गरेपछि जनकपुरले सहजै लक्ष्य भेट्टाएको हो।
लाहिरु मिलान्थाको आक्रामक ब्याटिङमा जनकपुर बोल्ट्सले पहिलो संस्करणको नेपाल प्रिमियर लिग (एनपीएल) मा विजयी सुरुवात गरेको छ।
यो जितसँगै जनकपुरले लिग तालिकामा २ अंक जोडेको छ। हजारौं दर्शकको उपस्थिति र हुटिङले कीर्तिपुरको माहोल क्रिकेटमय भएको थियो ।
