चितवनको सौराहामा हात्ती तथा पर्यटन महोत्सव चलिरहेको छ। पौष १० गतेदेखि क्षेत्रीय होटल संघ चितवनको आयोजनामा बाघमारा मध्यवर्ती सामुदायिक वनको चौरमा १८औँ संस्करणको हात्ती तथा पर्यटन महोत्सव सुरु भएको हो।
सौराहा आडको बाङमारा मध्यवर्ती सामुदायिक वनको चौरमा पुस १५ गते सोमबारसम्म महोत्सव सञ्चालन हुने छ । महोत्सवको उद्घाटनअघि सिंगारिएका हात्तीको लस्करसहित आदिवाासी थारू लगायतका समुदायको सांस्कृतिक झाँकी निस्किएको थियो ।
शुक्रबार हात्ती सुन्दरी प्रतियोगिता भएको थियो जसमा प्रतिस्पर्धीहरूलाई पछाडि पार्दै बिजुलीकली हात्ती सुन्दरी चयन भएकी थिइन् । महोत्सवको तेस्रो दिन शनिबार हात्तीलाई भोजन गराइएको छ । ७० वटा हात्तीलाई उनीहरूको मन पर्ने भोजन गराइएको हो । उखु, केरा, लगायतका फलफूल खुवाइएको हो ।
जहाँ लस्करै उभिएका हात्तीले टेबलमा राखिएका उनीहरूलाई मन पर्ने फलफूल र खानेकुरा खाने छन् ।
महोत्सवमा सरकारी र निजी गरी करिब ८० हात्ती सहभागी छन्। व्यवसायीहरूले पुस १० देखि १६ गतेसम्म सौराहाका होटल तथा रेस्टुरेन्टमा खाना र आवासमा १० प्रतिशत छुटको व्यवस्था गरिएकाे जनाएका छन्।
