नेपाल आदिवासी जनजाति पत्रकारलाई महासंघ रामेछापद्वार बिहिवार रामेछापमा कार्यरत जनजाति पत्रकारहरूलाई प्रेस टिसर्ट तथा मास्क वितरण गरेकाे छ ।
विश्वभर फैलिएको नोवेल कोरोना भाइरस कोभिड १९ काे महामारीका बेला फाेनिजले सुचना संकलनमा सहज बनाउन जिल्लामा विभिन्न संचार माध्यममा काम गरिरहेका जनजाति पत्रकारहरुलाई निशुल्क प्रेस टिसर्ट र माक्स प्रदान गरेको हाे । शाखाले जिल्लामा क्रियासिल आदिवासी जनजाति मुलका २० जना पत्रकारलाई एक–एक थान प्रेस टिसर्ट र माक्स उपलब्ध गराएको छ ।
लकडाउनका कारण पत्रकारहरुले बिभिन्न खालका झन्झट ब्यहोर्नु परेकाले उनीहरुको पहिचान संगै कामलाई सहज बनाउन जिल्लामा संचालित रेडियो,अनलाइन तथा राष्ट्रिय स्तरका टेलिभजन तथा पत्रिकामा काम गरिरहेका आदिवासी जनजाति पत्रकारहरुलाई टिसर्ट र माक्स उपलब्ध गराईएको(फोनिज)रामेछापका अध्यक्ष नवराज श्रेष्ठले जानकारी दिनुभयाे ।
नेपाल आदिवासी जनजाति पत्रकार महासंघ (फोनिज) बागमती प्रदेशका उपाध्यक्ष युवराज श्रेष्ठ , फोनिज रामेछापका पुर्व अध्यक्ष सुमित श्रेष्ठ , वर्तमान कोषाध्यक्ष कुमार श्रेष्ठको विभिन्न सहयोग र सिङगो फोनिज रामेछापको पहलमा यो संकटको घडिमा पत्रकारहरुलाई प्रेस टिसर्ट र माक्स वितरण गर्न संस्था सफल भएको उनको भनाई छ । पत्रकारहरुलाई प्रदान गरिएको माक्स महिला पत्रकारहरुको संगठन क्रियाशिल पत्रकार महिला (डब्लुडब्लुजे )रामेछापले उपलब्ध गराएको श्रेष्ठले जानकारी दिनुभयाे ।
