काठमाडौं – नेपाली सेनाले टुँडिखेलमा विशेष कार्यक्रम गरी घोडेजात्रा मनाइएको छ । कार्यक्रममा अश्वकला, मोटरसाइकल खेल, शारीरिक व्यायाम तथा युद्धकलालगायतका आकर्षक प्रस्तुतिहरू देखाइएका थिए।
यस अवसरमा राष्ट्रपति रामचन्द्र पौडेल, उपराष्ट्रपति रामसहायप्रसाद यादव, प्रधानमन्त्री केपी शर्मा ओली, सभामुख देवराज घिमिरेलगायत उच्च पदस्थ व्यक्तिहरूको उपस्थिति रहेको थियो। नेपाली सेनाका जवानहरूले घोडसवारी तथा अन्य कौशलहरू प्रदर्शन गरेका थिए ।
घोडेजात्राको ऐतिहासिक पृष्ठभूमिजनविश्वासअनुसार, टुँडिखेलको पूर्व-दक्षिण दिशामा रहेको रूखमा गुरुमापा नामक राक्षसको आत्मा वास गर्थ्यो। उक्त राक्षसले सहरका बालबालिकाहरूलाई खाने गरेको कथन रहेको छ। स्थानिय बासिन्दाहरूले विभिन्न उपाय अपनाएर गुरुमापाको संहार गरे पनि, उसको प्रेतात्मा पुनः जागृत भई अनिष्ट गर्न सक्ने डरले प्रत्येक वर्ष घोडेजात्रा पर्व मनाइन्छ। घोडाको टापले कुल्चाएर गुरुमापाको आत्मालाई दबाउने परम्परा रहिआएको छ।
यसै दिन ललितपुरमा पनि एउटा कानो घोडा दौडाएर घोडेजात्रा मनाउने परम्परा छ। साथै, सहरका बालबालिकामाथि कुनै खतरा नहोस् भन्ने विश्वासका साथ आज राति गुरुमापालाई त्यही रूखको फेदमा खानेकुरा चढाइने चलन रहेको छ।
