काठमाडौँ — असारको सुरुवातसँगै रोपाईंको चहलपहल सुरु भएको छ। वर्षाले भिजेको खेत, हिलोमा खुट्टा गाडेर धान रोपिरहेका किसान, र पृष्ठभूमिमा गुन्जिरहेको असारे भाकाले नेपाली गाउँघरलाई जीवन्त बनाएको छ।
यसपटक मनसुन चाँडै प्रवेश गरेकोले काठमाडौंका अधिकांश स्थानमा खेतमा धमादम खेतमा रोपाइँ सुरु भएको छ। यसै क्रममा फोटो पत्रकार सुजन श्रेष्ठले काठमाडौँको फर्पिंङमा देखिएको रोपाईको केहि दृश्य प्रस्तुत गरिएको छ।
धान रोपाईंको विशेषता सामूहिकता हो — यो केवल एउटै किसानको काम होइन। परिवार, छिमेकी र आफन्तहरू मिलेर खेतमा जुट्छन्। हिलोमा खेलिँदै, गीत गाउँदै, ठट्यौली चलाउँदै काम गर्ने यस्तो अवसर वर्षमा एकपटक मात्र आउँछ। खेतको मेहेनतमा पनि हासो, गीत र मित्रताको मिठास मिसिएको हुन्छ।
धान नेपालमा प्रमुख अन्नबाली हो। मुलुकको खाद्य सुरक्षाको मेरुदण्ड मानिने धान खेती लाखौँ किसानको जीविकासँग जोडिएको छ। त्यसैले असारको रोपाईं केवल कृषि कार्य नभई नेपाली अर्थतन्त्र, समाज र संस्कृतिसँग गहिरो रूपमा गाँसिएको क्रिया हो।
रोपाईं नेपाली जीवनशैलीको एउटा अद्वितीय रूप हो, जसले सहकार्य, श्रमको सम्मान र प्रकृतिसँगको सहजीवितालाई दर्शाउँछ। यो हाम्रो मौलिकता, परम्परा र प्रकृति प्रतिको आस्था समेटिएको कृषि उत्सव पनि हो।
