काठमाडौं – काठमाडौँको थापाथलीस्थित बागमती नदी पुल नजिक दुर्लभ प्रजातिको चराको बथान देखिएको छ। नदी किनारमा ती चराहरूको उपस्थितिले चरा–प्रेमीहरूको ध्यान खिचेको छ।
बागमतीमा देखिएका ती चरा ब्ल्याक हेडेड गल (Black-headed Gull) अर्थात कालो टाउके गंगाचील हुन्। यो प्रजाति बेलायत र स्कटल्याण्डलगायत युरोपका देशहरूमा पाइने भए पनि काठमाडौं उपत्यका तथा नेपालकै लागि दुर्लभ मानिन्छ।
यी चरा न्यानो ठाउँको खोजीमा बसाइँ सर्दै नेपाल पुगेका हुन्। हाल देखिएको मौसमी प्रणाली र मौसममा आएको परिवर्तनका कारण पनि ती चरा बागमती नदी क्षेत्रमा आकर्षित भएका हुन सक्ने अनुमान गर्न सकिन्छ ।
