काठमाडौं – नेपाल प्रिमियर लिग (एनपीएल) को दोस्रो संस्करणको खेल तालिका सार्वजनिक भएको छ। नेपाल क्रिकेट संघ (क्यान)को आयोजनामा हुन लागेको दोस्रो संस्करणको एनपीएलको तालिका सार्वजनिक भएको हो। क्यानले सोमबार साँझ तालिका सार्वजनिक गरेको हो।
मंसिर १ गतेबाट २७ गतेसम्म चल्ने नेपाल प्रिमियर लिगको पहिलो खेलमा साविक विजेता जनकपुर बोल्ट्स र काठमाडौं गोर्खाजले उद्घाटन खेल खेल्नेछन् । उद्घाटन खेल मङ्सिर १ गते दिउँसो ४ बजे त्रिवि क्रिकेट मैदानमा हुनेछ।
यस्तै यो सिजनमा ९ दिन दुई दुई खेल हुनेछन् भने बाँकी दिन एक खेल मात्र हुने खेल तालिका छ । एनपीएलमा जनकपुर बोल्ट्स, काठमाडौं गोर्खाज, विराटनगर किंग्स, चितवन राइनोज, पोखरा एभेन्जर्स, लुम्बिनी लायन्स, कर्णाली याक्स र सुदूरपश्चिम रोयल्स गरी ८ वटा फ्रेन्चाइज टिम छन् ।
त्रिवि क्रिकेट मैदानमा फ्लडलाई जडानको कार्य भइरहेको छ। नेपाल प्रिमियर लिग डे नाइट फर्म्याटमा खेलाउने हिसाबले तालिका सार्वजनिक भएको छ।
दोस्रो संस्करणको नेपाल प्रिमियर लिगको फाइनल खेल मंसिर २७ गते शनिबार साढे ३ बजे सुरु हुनेछ। पहिलो संस्करणको एनपीएलको उपाधि जनकपुर बोल्ट्सले जितेको थियो।
