काठमाडौं- आज (शुक्रबार) मन्त्रिपरिषदको वैठक बस्दैछ ।
नेपालमा कोरोनाबाट तीन जनाको ज्यान गइसकेको र संक्रमितको संख्या बढिरहेका बेला विभिन्न महत्वपूर्ण एजेण्डाहरुमा छलफल गर्न आज मन्त्रिपरिषदको वैठक बस्न लागेको छ ।
प्रधानमन्त्री निवास बालुवाटारमा विहान १० बजे बस्ने बैठकमा कोरोना रोकथाम, विदेशमा अलपत्र नेपालीका समस्या र भारतलगायतका विभिन्न देशबाट फर्किएकाहरुको परक्षिण, व्यवस्थापनलगायतका विषयमा छलफल हुने एक मन्त्रीले जानकारी दिएका छन् ।
केही दिनअघि बसेको कोरोना क्राइसिस म्यानेजमेन्ट सेन्टरको बैठकमा विदेशमा रहेका नेपाली फर्काउने मोडालिटीको विषयमा छलफल भएको थियो । आज (शुक्रबार) को मन्त्रिपरिषद बैठकमा त्यो विषयले प्रवेश पाउने सम्भावना रहेको ती मन्त्रीले बताएका छन् ।
त्यसैगरी लकडाउनको मोडालिटी परिवर्तन गर्ने विषयमा पनि मन्त्रिपरिषदमा छलफल हुने उनले बताएका छन् ।
