काठमाडौँ — प्रधान सेनापति महारथी अशोक राज सिग्देलले उपरथी दर्जामा पदोन्नति भएका सहायक रथी प्रकाश राज थापालाई दर्ज्यानी चिन्ह प्रदान गर्नुभएको छ।
नेपाली सेनाको जंगी अड्डामा आज आयोजित कार्यक्रममा उपरथी दर्जामा पदोन्नति भएका सहायक रथी थापालाई प्रधान सेनापति सिग्देलले सम्मान गर्नुभएको हो।
उक्त अवसरमा प्रधान सेनापतिले सहायक रथी दर्जामा पदोन्नति भएका दुई जना महासेनानीहरुलाई समेत दर्ज्यानी चिन्ह प्रदान गर्नुभएको थियो।
कार्यक्रममा बलाध्यक्ष, रथीवृन्द, अधिकृतहरुका साथै पदोन्नति हुनुभएका रथीवृन्दका परिवारजनहरुको पनि उपस्थिति रहेको थियो।
