काठमाडौँ — पौष शुक्ल पूर्णिमाका दिन काठमाडौँको चोभारबाट पूर्ण कदको चन्द्रमा मनमोहक रूपमा देखिएको छ। हिउँदे मौसमका कारण आकाश सफा रहेकाले चन्द्रमाको दृश्य अझ स्पष्ट देखिएको हो । पौष शुक्ल पूर्णिमालाई धार्मिक तथा सांस्कृतिक दृष्टिले विशेष मानिने गरिन्छ।
पूर्णिमाका दिन देखिने यस्तो प्राकृतिक दृश्यले धार्मिक आस्था मात्र होइन, प्राकृतिक सौन्दर्यप्रति आकर्षण पनि बढाउने गरेको छ।
पौष शुक्ल पूर्णिमा आजकै दिनदेखि एक महिनासम्म विधिपूर्वक गरिने स्वस्थानी व्रत एवं माघस्नान सुरु भएको छ । पौष शुक्ल पूर्णिमादेखि माघ शुक्ल पूर्णिमासम्म चल्ने यस व्रतका क्रममा व्रतालुहरूले दैनिक माघस्नान गरी धार्मिक विधिअनुसार कठोर व्रत बस्ने परम्परा छ।
