काठमाडौं – नेकपा एमालेले फागुन २१ गते हुने प्रतिनिधिसभा चुनावका लागि उपाध्यक्ष रामबहादुर थापा ‘बादल’लाई निर्वाचन परिचालन कमिटीको संयोजक (चुनावी कमान्डर) बनाएको छ। मंगलबार बिहान बसेको सचिवालय बैठकले उक्त निर्णय गरेको उपमहासचिव लेखराज भट्टले जानकारी दिए।
कमिटीको सचिवमा विष्णु रिमाल रहेका छन् भने सदस्यमा सचिवहरू छविलाल विश्वकर्मा, राजन भट्टराई, हिक्मत कार्की तथा रमेश बडाल, मीनबहादुर शाही र भीष्म अधिकारी रहेका छन्।
