काठमाडौं । प्रधानमन्त्री शुसिला कार्कीले राजनीतिक दलसँग आवद्ध भइसकेका मन्त्रीहरूलाई राजीनामा दिन सुझाव दिएकी छन्। सोमबार बसेको मन्त्रिपरिषद् बैठकमा उनले दलसँग आबद्ध मन्त्रीहरूले परिस्थितिको मूल्याङ्कन गरी स्वयं निर्णय गर्नुपर्ने बताएकी हुन्।
प्रधानमन्त्रीले कसैको नाम नलिई दलसँग आवद्ध भएकाहरूले बुझेर कदम चाल्नुपर्ने सन्देश दिएको स्रोतले जनाएको छ। हाल ऊर्जामन्त्री रहेका रास्वपाका उपसभापति कुलमान घिसिङ र केन्द्रीय सदस्य बब्लु गुप्ता खेलकुदमन्त्री छन्। साथै, सञ्चारमन्त्री जगदिश खरेल पनि रास्वपाबाट ललितपुर–२ मा उम्मेदवार बन्ने चर्चामा छन्, यद्यपि उनी औपचारिक रूपमा दलमा आवद्ध छैनन्।
कार्की नेतृत्वको सरकार गैरदलीय भएकाले रास्वपासँग आवद्ध मन्त्रीहरू पदमै रहनु उपयुक्त नहुने भन्दै राजीनामाको दबाब बढ्दै गएको छ।
