काठमाडौं – भोलि हुने निर्वाचनको लागि मतदान केन्द्र बुथहरु धमाधम निर्माण गरिँदै छ । प्रतिनिधि सभा चुनावको लागि काठमाडौं उपत्यकालगायत देशैभरको विभिन्न मतदानस्थलमा निर्वाचन प्रहरीको सहायतामा मतदानस्थलहरुमा बुथ बनाइँदैछ ।
भोलि हुने मतदानका लागि बुथ निर्माणको काम भइरहेको मुख्य निर्वाचन अधिकृतको कार्यालयले जनाएको छ । बुथ निर्माणका लागि लाइन बनाउनेदेखि टाेरी टाङ्नेसम्मको काम भइरहेकाे छ ।
महिला, पुरुष, अशक्तहरुकाे लागि छुटाछुट्टै बुथ बनाइने गरिन्छ । भाेलि बिहान ७ बजेदेखि मतदान कार्य सुरु हुँदैछ ।
