फम्पि नेवा पुच: को आयोजनामा फर्पिङमा दुई दिनसम्म सञ्चालन भएको यस सांस्कृतिक तथा धार्मिक कार्यक्रम सामूहिक ईहि (बेल विवाह) समारोह सम्पन्न भएको छ।
ईहि नेवार समुदायमा बालिकाहरूको जीवनमा गरिने अत्यन्त महत्वपूर्ण संस्कार हो, जसलाई बेल विवाह पनि भनिन्छ। यस संस्कारमा बालिकाहरूलाई पवित्र बेल फल सँग प्रतीकात्मक रूपमा विवाह गराइन्छ, जसलाई भगवान विष्णुको प्रतीक मानिन्छ। नेवार परम्परा अनुसार यस संस्कारले बालिकालाई कहिल्यै विधवा हुन नपर्ने विश्वास राखिन्छ र उनको जीवनमा शुभता, सुरक्षा तथा समृद्धिको कामना गरिन्छ।
कार्यक्रममा अभिभावक, स्थानीय बासिन्दा तथा समुदायका विभिन्न व्यक्तित्वहरूको उल्लेखनीय उपस्थिति रहेको थियो।
फम्पि नेवा पुच: ले पहिलो पटक आयोजना गरिएको यस कार्यक्रमले नेवार समुदायको समृद्ध संस्कृति, परम्परा र पहिचानलाई जगेर्ना गर्न महत्वपूर्ण योगदान पुर्याएको छ।
तस्वीर: सुजन श्रेष्ठ/अन्नपूर्ण टाइम्स
