काठमाडौँ- नेपालमा थप ६ जनामा कोरोना संक्रमणको पुष्टि भएको छ भने थप एक जनाको मृत्यु भएको छ । स्वास्थ्य मन्त्रालयका प्रवक्ता विकास देवकोटाको अनुसार नेपालमा कोरोना संक्रमितको संख्या ६८२ पुगेको छ । त्यस्तै नेपालमा कोरोना भाइरसबाट मृत्यु हुनेको संख्या ४ पुगेको छ।
आज संक्रमित व्यक्तिहरू अछामका ३२ वर्षीय पुरूष, बर्दिया गुलरिया-१० का २२ र २४ वर्षीय पुरूष, २ का १८ वर्षीय पुरूष, पर्सा जिराभवानी गाउँपालिकाका-४ का १८ वर्षीय पुरूष, काठमाडौं- १५ घर भएका कलैयामा कार्यरत २८ वर्षीय पुरूष रहेका स्वास्थ्य मन्त्रालयले जनाएको छ। आज बिहान ७२ जना को संक्रमण पुष्टि भएको थियो।
त्यस्तै कोरोना भाइरस निको हुनेको संख्या ११२ पुगेको छ।
