काठमाडौँ – नेपाली कांग्रेस ले आफ्नो भ्रातृ संस्था नेपाल तरुण दल को केन्द्रीय अध्यक्षमा मनिष कोइरालालाई नियुक्त गरेको छ।पार्टी सभापति गगनकुमार थापा ले आइतबार काठमाडौँ निवासी कोइरालालाई तरुण दलको नेतृत्वको जिम्मेवारी दिएका हुन्।
पार्टी केन्द्रीय कार्यालयका कार्यवाहक मुख्य सचिव कृष्णप्रसाद दुलाल का अनुसार नेपाली कांग्रेस केन्द्रीय कार्यसम्पादन समितिको गत वैशाख २१ गते बसेको बैठकको निर्णयअनुसार उक्त नियुक्ति गरिएको हो।
म्याद समाप्त भएर स्वतः विघटन भएको तरुण दललाई पुनः सक्रिय बनाउने तथा पार्टी संगठनलाई गतिशील बनाउने उद्देश्यसहित कोइरालालाई नेतृत्वको जिम्मेवारी दिइएको जनाइएको छ।
सभापति थापाले पार्टी विधानको धारा ४२ (१) (च) बमोजिम कोइरालालाई अध्यक्षमा नियुक्त गर्दै तोकिएको समयभित्र महाधिवेशन सम्पन्न गर्न स्पष्ट कार्यादेशसमेत दिएका छन्। नवनियुक्त अध्यक्ष कोइरालालाई ९ बुँदे कार्यादेश तथा कार्यविवरणसहितको जिम्मेवारी पत्र हस्तान्तरण गरिएको नेपाली कांग्रेसले जनाएको छ। कोइराला अनुराधा कोइरालाका छोरा हुन्।
