काठमाडौं – राष्ट्रिय मानवअधिकार आयोग को जेनजी आन्दोलनसम्बन्धी प्रतिवेदनमा रवि लामिछाने माथि गम्भीर प्रश्न उठाइएको छ ।
आयोगले बुधबार सार्वजनिक गरेको प्रतिवेदनमा आन्दोलनका क्रममा लामिछाने नख्खु कारागारबाट “अनधिकृत र गैरकानुनी रूपमा” बाहिर निस्किएको विषयलाई गम्भीर रूपमा उल्लेख गरेको हो ।
प्रतिवेदनअनुसार कारागारबाट यसरी बाहिर निस्कनु मानवअधिकारको गम्भीर उल्लंघन मात्र नभई कारागार ऐन २०७९ को दफा ४९ बमोजिम फौजदारी अपराधसमेत हुन सक्ने निष्कर्ष आयोगले निकालेको छ ।
आयोगले लामिछानेलाई कारागारबाट बाहिर ल्याउन सहयोग गरेको आरोपमा जेलर सत्यराज जोशी, सांसद मनिष झा तथा हरि ढकाल माथि पनि सूक्ष्म अनुसन्धान गरी कानुनी कारबाही गर्न सरकारलाई सिफारिस गरेको छ ।
आयोगको प्रतिवेदनको पृष्ठ नम्बर २८ र २९ मा लामिछानेसम्बन्धी विवरण समेटिएको छ ।
