काठमाडौँ- रौतहटको कटहरिया नगरपालिकामा क्वारेन्टिन बनाउन जाँदा स्थानीयले विरोध गरेपछि झडप भएको छ।
बिहीबार दिउँसो करिब १२ बजे नगरपालिका प्रमुखसहितको टोली वडा नम्बर एकस्थित एक विद्यालयमा क्वारेन्टिन खडा गर्न जाँदा स्थानीयले अवरोध गरेका थिए।
सुरक्षाका लागि गएका प्रहरीहरूमाथि पनि स्थानीयले ढुङ्गामुढा गर्न थालेको थियो।
स्थितिलाई नियन्त्रणमा लिन प्रहरीले १२ राउण्ड हवाइफायर समेत गरेको जिल्ला प्रहरी कार्यालयका प्रमुख एसपी रविराज खड्काले जानकारी दिए।
‘सुरक्षा दिन जाँदा हामीमाथि नै ढुङ्गामुढा गरेका छन्,’ उनले भने,’एक जना असई घाइते भएका छन् र टाउकोमा चोट लागेको उनले जानकारी दिए।
