काठमाडौँ : नेपाली सेनाका प्रधान सेनापति महारथी अशोक राज सिग्देलले पदोन्नति भएका उपरथी तथा महासेनानीलाई दर्ज्यानी चिन्ह प्रदान गर्नुभएको छ।
२०८३ भदौ ५ गतेदेखि उपरथी दर्जामा पदोन्नति हुनुभएका सहायक रथी द्रव्यराम भण्डारी र सहायक रथी रञ्जित थापा पिएच.डिलाई आज जंगी अड्डामा आयोजित कार्यक्रममा प्रधान सेनापति सिग्देलले दर्ज्यानी चिन्ह प्रदान गर्नुभएको हो।
सोही अवसरमा महासेनानी दर्जामा पदोन्नति हुनुभएका चार जना प्रमुख सेनानीलाई समेत प्रधान सेनापतिले दर्ज्यानी चिन्ह प्रदान गर्नुभयो।
कार्यक्रममा नेपाली सेनाका रथीवृन्द तथा अधिकृतका साथै पदोन्नति हुनुभएका अधिकृतका परिवारजनको समेत उपस्थिति रहेको नेपाली सेनाले जनाएको छ।
