काठमाडौं –— नेपाली सेनाका प्रधान सेनापति महारथी श्री अशोक राज सिग्देलले पदोन्नति भएका चार सैनिक अधिकृतलाई दर्ज्यानी चिन्ह प्रदान गर्नुभएको छ।
जङ्गी अड्डामा मंगलबार आयोजित कार्यक्रममा भदौ ३१ गतेदेखि उपरथी दर्जामा पदोन्नति हुनुभएका सहायक रथी सोबेन्द्र सिंह महत र सहायक रथी प्रकाश थापालाई प्रधान सेनापति सिग्देलले दर्ज्यानी चिन्ह प्रदान गर्नुभयो।
सोही अवसरमा सहायक रथी दर्जामा पदोन्नति हुनुभएका महासेनानी मदन जङ्ग राणा र प्राविधिक महासेनानी भरतलाल श्रेष्ठलाई पनि दर्ज्यानी चिन्ह प्रदान गरिएको नेपाली सेनाले जनाएको छ।
कार्यक्रममा रथीवृन्द, अधिकृत तथा पदोन्नति भएका सैनिक अधिकृतका परिवारजनको समेत उपस्थिति रहेको थियो।
