काठमाडौँ- इलाका प्रहरी कार्यालय खिलतपुरका प्रहरी निरीक्षक मोहनविक्रम केसीमाथि बिहीबार राति कुटपिट भएको छ । बबई गाउँपालिका–६ पञ्चकुले निवासी ४५ वर्षीयचित्रबहादुर डाँगी र उनका छोरा २७ वर्षीय हेमराज डाँगीले कुटपिट गरेको इलाका प्रहरी कार्यालय तुलसीपुरले बताएको छ ।
पञ्चकुलेस्थित भानुभक्त माविको क्वारेन्टाइन अगाडि मादक पदार्थ सेवन गरी होहल्ला गर्दै हिँडेका बाबुछोरालाई सम्झाइबुझाइ गर्ने क्रममा ढुंगा प्रहार गरी घाइते बनाएको प्रहरी निरीक्षक केसीले बताए । ढुंगा प्रहारबाट टाउकोमा चोट लागेको र राप्ती प्रादेशिक अस्पताल तुलसीपुरमा उपचार गरेको उनले बताए ।
कुटपिट गर्ने बाबुछोरालाई पक्राउ गरी थप अनुसन्धान गरिरहेको इलाका प्रहरी कार्यालयका तुलसीपुरका प्रवक्ता प्रहरी निरीक्षक चक्र डम्बरपालले बताए ।
