नेपालकै अग्रणी शैक्षिक परामर्शदता संस्था नेपाल करियर ट्रेनिङ फाउण्डेशन (सिटिएफ नेपाल) को आयोजनामा किड्स अनलाईन ट्यालेनट हन्ट २०७७ को आयोजना हुने भएको छ । कोरोना महामारी न्युनिकरण र रोकथामकालागी गरिएको लकडाउनको कारण विद्यार्थीहरु घरमै बस्न वाध्य भएका छन ।
घरमै रहेका विद्यार्थीहरुको प्रतिभा प्रस्फुटन गराउने उदेश्यले प्रविधिको प्रयोगद्धारा प्रतियोगीता सञ्चालन गर्न लागिएको कार्यक्रम संयोजक हरिश डिसीले जानकारी दिए । कक्षा नर्सरी देखि कक्षा १० मा अध्ययनरत देशभरका विद्यार्थीहरुले प्रतियोगीतामा सहभागीता जनाउन पाउने छन ।
प्रतियोगीतामा कुल आठ विधा रहेका छन । एक विद्यार्थीले एक भन्दा बढी वा सबै विधामा सहभागी हुन पाउने छन । प्रतियोगितामा सहभागीताका लागि नाम, कक्षा, ठेगाना, फोन, विद्यालयको नाम र भाग लिन चाहाने इभेन्टको नाम सहितको विवरण events.ctfnepal@gmail.com मा पठाउनु पर्ने छ । कार्यक्रममा सहभागीता जनाउने विद्यार्थीहरुले नि:शुल्क विज्ञहरुबाट अभिमुखिकरण तालिम, सहभागीताको प्रमाणपत्र एवम पुरस्कार पाउने आयोजकले जनाएको छ ।
