काठमाडौं – शनिबार रातिदेखी देशका केही स्थानको मौसममा बदली भई पानी परेको छ । जल तथा मौसम पूर्वानुमान महाशाखाका अनुसार मनसुनी वायुको प्रभावले अझै केही दिन मौसममा बदली भई पानी पर्ने सम्भावना रहेको जनाइएको छ ।
आज दिउँसोपछि प्रदेश १, २, गण्डकी र प्रदेश ५ मा ठूलो पानी पर्ने सम्भावना रहेको छ भने अन्य स्थानमा हल्का पानी पर्ने सम्भावना रहेको जनाइएको छ ।
त्यस्तै आज राति पनि देशको प्रदेश १,२ र बागमती प्रदेशका स्थानमा ठुलो पानी पर्ने सम्भावना रहेको छ भने अन्य स्थानमा सामान्य बदली रहनेछ । आज देशका बिभिन्न स्थानमा पानी पर्ने हुनाले बाढी र पहिरोको सम्भावना भएकोले सतर्कता अपनाउन महाशाखाले आग्रह गरेको छ ।
