हाल नेपालमा उल्लेखनीय मौसमी प्रणाली छैन। यतिबेला देशका पहाडी भूभागमा आंशिक बदलीको अवस्था छ।
देशका बाँकी भूभागमा भने मौसम सामान्यतया सफा रहेको मौसम पूर्वानुमान महाशाखाले जनाएको छ।
बिहीबार दिउँसो कोशी, बागमती र गण्डकी प्रदेशका पहाडी भूभागमा आंशिक बदलीको अवस्था रहने छ। बिहीबार राति पनि कोशी र बागमती प्रदेशका पहाडी भूभागमा आंशिक बदली रहनेछ।
शुक्रबार भने सुदूरपश्चिम, कर्णाली, लुम्बिनी, गण्डकी, कोशी र बागमती प्रदेशका पहाडी भूभागमा आंशिक बदली हुने मौसम पूर्वानुमान महाशाखाले जनाएको छ। मौसम बदली भए पनि अबको तीन दिन कतै वर्षाको सम्भावना भने छैन।
तर, देशभरि तापक्रम घटेकाले चिसोबाट बच्नको लागि आवश्यक उपायहरू अपनाउन महाशाखाले सबैलाई अनुरोध गरेको छ।
