काठमाडौँ- दाङको बेलझुण्डीस्थित कोरोना विशेष अस्पतालमा उपचाररत ८ जना कोरोना संक्रमित निको भएर डिस्चार्ज भए।
उनीहरुको दुई वटा रिपोर्ट नेगेटिभ आएपछि शुक्रबार डिस्चार्ज गरिएको अस्पतालका मेडिकल सुपरिटेन्डेन्ट डा. सर्वेश शर्माले बताए। डिस्चार्ज हुनेहरुमा बाँकेको नरैनापुरका ३ जना, कपिलवस्तु २ जना, कविलवस्तु २ जना र दाङका १ जना छन।
यस्तै नेपाली सेनाका एक उच्च अधिकारीसहित दुई जना कोरोनामुक्त भएका छन्।
मध्यपूर्वी पृतना रौतहटमा कार्यरत दुबै जना कोरोनाबाट निको भएका नेपाली सेनाका प्रवक्ता सहायक रथी विज्ञानदेव पाण्डेले जानकारी दिए।
‘उहाँहरू दुबै जनाको रिपोर्ट नेगेटिभ आएको छ,’ उनले भने। उनीहरूको काठमाडौंस्थित सशस्त्र प्रहरीको अस्पतालमा उपचार गरिएको थियो।
