रामेछाप-
नेपाल जेसिज रामेछापले मन्थलीमा अायाेजना गरेकाे वक्तित्वकला प्रतियोगितामा मन्थली माध्यमिक विद्यालय मन्थलीकी सुप्रभा सुवेदी प्रथम भएकी छिन ।
जेसिज रामेछापकाे अायाेजनामा मन्थली माविकाे मिडियाहलमा ” नेतृत्वका लागि जाग,नेतृत्व विकास र परिवर्तनका लागि” विषयमामा भएकाे वक्तित्वकला प्रतियोगिता बुधबार सम्पन्न भएकाे छ ।प्रतियोगितामा मन्थली माविमा अध्ययनरत छात्रा सुप्रभा सुवेदी प्रथम हुन सफल भएकी छिन । त्यसैगरि कर्कलादेवि ईङ्लिस स्कुलमा अध्ययनरत छात्र काैशल कार्की दित्तिय भएकाछन् भने तामाकोसी अावासिय विद्यालयमा अध्ययनरत छात्रा मनिषा शिवा तृतीय भएकी छिन् भने मन्थली माविकै रेजन बुढाथोकीले सान्त्वना स्थान हासिल गरेकाछन् ।
प्रतियोगितामा प्रथम , दित्तिय,तृतीय र सान्त्वना हुनेहरुलाइ पुरस्कार स्वरुप क्रमश : नगद रु २० हजार, १५ हजार , १० हजार र ५ हजार सहित प्रमाणपत्र उपलब्ध गराएकाे छ । प्रतियोगितामा प्रथम हुनेले नेपाल जेसिजकाे एरिया सि अन्तरगत २२ जिल्लाका सहभागीहरुसँग बैशाख २७ र २८ गते नुवाकोटमा हुने प्रतियाेगितामा सहभागी हुनुपर्ने छ । प्रतियोगितामा जिल्लाका विभिन्न विद्यालयका १७ प्रतियोगिले भाग लिएका थिए । कार्यक्रम मन्थली नगरपालिका र रामेछाप नगरपालिकाकाे अार्थिक सहयाेगमा भएकाे हाे ।
कार्यक्रम नेपाल जेसिज रामेछापका अध्यक्ष राजकुमार केसिकाे अध्यक्षतामा तथा जिल्ला समन्वय समितिका प्रमुख प्रेम बहादुर खड्काकाे प्रमुख अातित्थ्यतामा भएकाे थियाे भने मन्थली नगरपालिकाका प्रमुख रमेश कुमार बस्नेतकाे विशिष्ट अातित्थ्यता रहेकाे जेसिज रामेछापका उपाध्यक्ष सन्तोष खत्रिले जानकारी दिनुभयाे ।
