काठमाडौं – बिहीबार देशका केही स्थानको मौसममा बदली भई हल्कादेखि मध्यम पानी पर्ने सम्भावना रहेको छ। जल तथा मौसम विज्ञान विभागका अनुसार अहिले मनसुनी न्युन चापीय रेखा नेपालको दक्षिण तर्फ अवस्थित रहेको छ ।
आज दिउँसोपछि देशभर सामान्य बदली भई मेघगर्जनसहित पानी पर्ने सम्भावना रहेको छ ।त्यस्तै आज बागमती प्रदेश, गण्डकी प्रदेश, कर्णाली प्रदेश र सुदूरपश्चिमका केही स्थानमा ठुलो पानी पर्ने सम्भावना रहेको छ ।
आज राति प्रदेश १, बागमती प्रदेश, गण्डकी प्रदेश र कर्णाली प्रदेशका केही स्थानमा हल्का पानी पर्ने सम्भावना रहेको छ । भने बागमती प्रदेश, गण्डकी प्रदेश र सुदूरपश्चिम प्रदेशका स्थानहरुमा ठुलो पानी पर्ने सम्भावना रहेको जनाइएको छ ।
देशका केही स्थानमा ठुलो पानी पर्ने सम्भावना रहेकोले नदीमा पानीको बहाव बढ्ने र पहाडी क्षेत्रमा पहिरो जाने स्थानमा सतर्कता अपनाउन आग्रह गरिएको छ ।
