डम्बर निदाल
डडेल्धुरा – अमरगढी नगरपालिका उप प्रमुख संगिता भण्डारीको गाउँमा बिजुली बल्न सकेको छैन । अमरगढी नगरपालिका–३ चिरकिट्टे क्षेत्रका गाउँमा बिजुलीका पोल गाडिएर तार समेत तानिएका छन । तर बिजुली भने बल्न सकेको छैन ।
ओखरखेती लाई स्थानियले आफनो रोजीरोटीका रुपमा प्रयोग गर्दै आएका कारण ओखरका रुख काटिए आफनो रोजीरोटी गुम्ने भएकाले बिजुली बल्न समस्या भएको हो ।ओखरका हाँगा तारमा छुने भन्दै स्थानियले हाँगा काट्न दिएका छैनन् । बिद्युत प्राधिकरणले मिटर लिन भने पनि स्थानिय नआएको जनाएको छ ।
चिरकिट्टे क्षेत्र सत्कट्टा, झोपेबाच, रोडङ्गा गाउँका केही स्थानियले घरमा वायरिङ्ग पनि गरेका छन । यस क्षेत्रका सबै स्थानियले मिटर नलिएका कारण बिजुली बल्न नसकेको उपप्रमुख भण्डारीले बताईन ।
स्थानिय गाउँलेहरुले ओखर खेती गर्दै आएका छन । उनले भनिन, एउटै रुख ओखरको भए पनि धेरै आम्दानि हुन्छ । ओखर स्थानियको रोजी रोटी हो । यस कारण स्थानियले ओखरका रुख काट्न दिएका छैनन । र बिजुली बल्न सकेको छैन ।
स्थानियले ओखरका हाँगा काट्न नदिएका कारण बिजुली बल्न नसकेको वडा अध्यक्ष गोबिन्द बोहराले बताए । स्थानियले बिजुलीका पोल सार्नु पर्ने माग राखेका कारण बिजुली बल्न नसकेको उनको भनाई छ ।
स्थानियलेनै विवाद गरे पछि सबै क्षेत्रमा पोल पनि गाड्न सकिएको छैन भने तार पनि तान्न बाँकी छ । बिजुली नबल्दा यस क्षेत्रका करिब ३० बढी परिवार अन्धकारमै बस्न बाध्य भएका छन ।
