संखुवासभा – प्रधानमन्त्री केपी शर्मा ओलीले आफू जनताद्वारा निर्वाचित प्रधानमन्त्री भएकाले निडर भएर अघि बढ्ने बताएका छन् ।
पार्टी भित्रको अन्तरद्धन्द उत्कर्षमा पुगेका संखुवासभामा किमाथांका र अरुण तेस्रो जलविद्युत आयोजनाको अनुगमनका लागि पुगेका प्रधानमन्त्रीले आयोजित कार्यक्रमलाई सम्बोधन गर्दे आफु पार्टी अध्यक्ष र जनताद्वारा निर्वाचित प्रधानमन्त्री भएकाले नडराउने जनाएका हुन् ।
उनले पार्टी कार्यकर्ताहरुलाई नआत्तिकन अघि बढ्न पनि आग्रह गरे । उनले आफु रहरले नभई जनताले जिताएर अध्यक्ष बनाएको दाबी गरे ।
उनले आफ्नो दल ५० बर्ष अगाडिदेखि सानासाना टुक्राटुक्रा जोडेर निर्माण गरिएको हुदाँ कोही कसैको चाहनाले नेकपा केही नहुने भएकाले नडराई नधकाई काम गर्न कार्यकर्तालाई निर्देशन दिए ।
मंगलबार मात्र पार्टी कार्यालय धुम्बाराहीमा अर्का अध्यक्ष पुष्कमल दाहालको अग्रसरतामा पाँच जना सचिवालय सदस्यहरुको अनौपचारिक बैठक बसेको थियो ।
नेकपामा शीर्ष नेताहरुका बीच अन्तरसंघर्ष चर्किरहेका बेला प्रधानमन्त्री संखुवासभा आएका हुन् ।
