धादिङ – सर्लाहीबाट काठमाडौं आउँदै गरेको बस आज बिहान धादिङको त्रिशूली नदीमा खस्दा ३ जनाको मृत्यु भएको छ।
मलंगवाबाट काठमाण्डौंको लागि छुटेको ना ६ ख ७४६९ नम्बरको बस शुक्रबार बिहान बेनिघाट रोराङ गाउँपालिका वडा नम्बर ३ सलाङघाटबाट त्रिशूली नदीमा खसेको हो ।
बसमा रहेका ११ यात्रुको उद्धार गरिएको धादिङ प्रहरीले जानकारी दिएको छ।
प्रहरीका अनुसार अहिले सेना, प्रहरीसहितको टोलीले उद्धार गरिरहेका छन् । बसमा ४० जनाभन्दा धेरै यात्रु रहेको अनुमान गरिएको छ।
उद्धार गरिएका घाइतेको मलेखु सामुदायिक अस्पताल र गजुरी प्राथमिक स्वास्थ्य केन्द्रमा उपचार भइरहेको छ ।
