धरान उपमहानगरपालिकाका मेयर हर्क साम्पाङ राई जनताका वास्तविक प्रतिनिधि हुन् । उनी जनतासँग हुन्छन् , जनताकै घरमा खान्छन्, जनताकै सेवामा केन्द्रीत हुन्छन् ।
नेपालको संविधानले स्थानीय तहका जनप्रतिनिधिहरुको व्यवहार, आनीबानी र काम गर्ने तौरतरिका यस्तो होस् भन्ने मर्म बोलेको छ । वास्तविक जनताको प्रतिनिधि भएपछि देश विदेशबाट उनलाई सानो सानो गर्दै ठूलो सहयोग प्राप्त भएको छ ।
अन्य सहरभन्दा धरान सहर सफा र सुदर सहरका रुपमा परिचित छ । त्यही सहरलाई झन् सुन्दर बनाउन सामाजिक अभियन्ता इशा गुरुङले नगरपालिकाका लागि ठूला डस्टवीन सहयोग गरेकी छन् ।
बेलायतमा बस्दै आएकी इशा गुरुङले धरान उपमहानगरपालिकालाई एक लाख बराबरको डस्टवीन सहयोग गरेकी हुन् ।
उनले १ लाख रुपैयाँ बराबरको ३० वटा ठूलो डस्टवीन उपलब्ध गराएकी हुन् । यसले धरानका मेयर साम्पाङलाई धरान सफा अभियानका लागि ठूलो सहयोग पुग्नेछ ।
हर्क साम्पाङ जस्ता इमानदार र जनताप्रति जिम्मेवार मेयरलाई सबैतिरबाट सहयोग हुनुपर्नेमा इशा गुरुङले जोड दिइन् ।
लामो समयदेखि गुरुङ बेलायतमा बस्दै आएकी छिन् । देशका विभिन्न ठाँउमा आफ्नो क्षमताले भ्याएसम्म समस्या परेका मानिस र तप्कालाई सहयोग गर्दै आएकी गुरुङ सामाजिक संजालमा पनि चर्चामा रहने गर्छिन् ।
केही दिन अगाडि मात्र गुरुङले सुर्खेतको एक विद्यालयमा विद्यार्थीहरुलाई कपि कलमसमेत वितरण गरेकी थिइन् । गुरुङको समाजसेवी भावनाका कारण देशभर जहाँ समस्या पर्छ त्यहाँ इशालाई सम्झिन्छ्न । कास्की जिल्लामा जन्मिएकी गुरुङ आज समाजसेवीका रूपमा देश बिदेशमा चर्चित छन् ।
