दसैंमा घर जाँदै हुनुहुन्छ? कहाँ पुग्न कति लाग्छ जहाज र गाडीको भाडा ?

सरकारले दसैंका लागि सोमबारदेखि सार्वजनिक सवारी साधनको टिकट अग्रिम बुकिङ खुलाइसकेको छ। चाडपर्वका लागि हवाइ टिकट पनि बुकिङ धमाधम भइरहेको छ।

छोटो समयमै गन्तव्य पुगिने हुँदा पछिल्लो समय आन्तरिकतर्फ उडानमार्फत् यात्रा गर्नेहरू पनि बढेका छन्। वायुसेवा कम्पनीहरूले यात्रु अकुपेन्सी अनुसार पनि चाडपर्वको मुखमा हवाइ भाडादर दोब्बरले बढाउने गरेका छन्।

पेट्रोलियम पदार्थको मूल्य बढिरहेसँगै हरेक वर्ष सार्वजनिक सवारी र हवाइको भाडा पनि बढ्ने गरेको छ।

यातायात व्यवस्था विभागले गत साउन १ गतेबाट लागु हुने गरी छोटो, मध्यम र लामो दूरीका अन्तर प्रदेश रूटहरूमा सार्वजनिक यातायातको भाडादर तोकेको छ। सोही भाडादरअनुसार नै यात्रुले दसैंका लागि टिकट लिन सक्नेछन्।

हाल आन्तरिकतर्फ बुद्ध, यति, श्री र सौर्य एयरलाइन्सले विभिन्न गन्तव्यमा नियमित उडान गरिरहेका छन्।

यसपालि दसैंमा हवाइमार्फत् यात्रा गर्दा र सार्वजनिक यातायातमार्फत् यात्रा गर्दा कति भाडा लाग्ला?

यो रिपोर्ट तयार पार्दा (मंगलबार) सम्म हवाइ भाडादरअनुसार काठमाडौं–धनगढी गन्तव्यका लागि सबैभन्दा बढी भाडा रहेको छ। यात्रु अकुपेन्सीकाे आधारमा एयरलाइन्सहरूको यस्तो भाडादर घटबढ भइरहन्छ।

एयरलाइन्सका अनुसार काठमाडौं–धनगढी भाडादर १३ हजार ५०१ रूपैयाँदेखि १७ हजार १८६ रूपैयाँ रहेको छ।

त्यस्तै, काठमाडौं–सुर्खेत ९ हजारदेखि १४ हजार १६८ रूपैयाँ, काठमाडौं–नेपालगञ्ज ६ हजार सात सयदेखि १० हजार एक, काठमाडौं–विराटनगर पाँच हजार सातसय देखि ७ हजार दुई सय, काठमाडौं–भैरहवा पाँच हजार १२९ रूपैयाँदेखि ७ हजार २०१ रहेको छ।

त्यस्तै, काठमाडौं–भद्रपुर ६ हजार ३६० देखि नौ हजार आठ सय, काठमाडौं–जनकपुर चार हजार एकसय देखि ५ हजार ८८६ र काठमाडौं–पोखरा चार हजार चार सयदेखि चार हजार ६ हजार ७७८ रूपैयाँसम्म रहेको छ।

सार्वजनिक यातायातमा यात्रा गर्नेहरूका लागि यातायात व्यवस्था विभागले भाडादर निर्धारण गरेको छ।

विभागले पछिल्लो पटक सार्वजनिक गरेको सार्वजनिक यातायातको भाडादरअनुसार साधारण, डिलक्स र सुपर डिलक्सका लागि फरक भाडादर रहेको छ।

जसअनुसार काठमाडौं–धनगढीको भाडा एक हजार ९४६ देखि दुई हजार ८०३ रुपैयाँ तोकिएको छ। त्यस्तै काठमाडौं–इलामको भाडा एक हजार ९८६ देखि दुई हजार ८६०, काठमाडौं–जनकपुर एक हजार ८४ देखि एक हजार ५६० रुपैयाँ रहेको छ।

काठमाडौं–दाङ एक हजार २४६ देखि एक हजार ७९४ रूपैयाँ, काठमाडौं–नेपालगञ्ज एक हजार ५१० देखि दुई हजार १७४ रूपैयाँ, काठमाडौं–पोखरा ६ सय ३१ देखि ९ सय ९ रूपैयाँ, काठमाडौं–भैरहवाको ८२६ देखि एक हजार १९० रूपैयाँ रहेको छ।

काठमाडौं–विराटनगर एक हजार ५३६ देखि दुई हजार २१२ रूपैयाँ, काठमाडौं–भद्रपुर एक हजार ७२५ देखि दुई हजार ४८५, काठमाडौं–महेन्द्रनगर एक हजार ९६२ देखि दुई हजार ८२५ रूपैयाँ रहेको छ।

काठमाडौं–सुर्खेत एक हजार ७८३ देखि दुई हजार ५६८ रहेको छ। काठमाडौंदेखि गुल्मीको तम्घाससम्मको भाडा एक हजार २३८ देखि एक हजार ७८२ रुपैयाँ तोकिएको छ। काठमाडौं–खुर्कोट हुँदै भद्रपुरका लागि एक हजार ५६६ देखि दुई हजार २५५ रूपैयाँ तोकिएको छ।

सिफारिस

पोषराज पोखरेल एआईजी बढुवामा सिफारिस

काठमाडौं - पोषराज पोखरेल नेपाल प्रहरीको प्रहरी अतिरिक्त महानिरीक्षक (एआईजी) बढुवामा सिफारिस भएका छन् । बढुवा समितिको आज बसेको बैठकले पोखरेललाई एआईजी बढुवाका लागि सिफारिस...

मन्त्रीहरू हेरफेर गर्दै प्रचण्ड, को को हुँदैछन् बिदा ?

प्रधानमन्त्री पुष्पकमल दाहाल ‘प्रचण्ड’ले आगामी आर्थिक वर्ष २०८१/०८२ को बजेट पारित भएलगत्तै मन्त्रिपरिषद्मा व्यापक हेरफेरको तयारी गरेका छन् । उनले केही महिनायता मन्त्री हेरफेरको प्रयास...

कहाँ गए प्रहरी सहायक निरीक्षकसहित १३ जवान, सात दिनभित्र हाजिर नभए जागिर चैट

प्रहरी प्रधान कार्यालयले आफूखुशी गैरहाजिर रहेका १३ जना प्रहरीलाई सम्पर्कमा आउन सूचना जारी गरेको छ। कार्यालयले प्रहरी सहायक निरीक्षकदेखि जवानसम्म १३ जना कर्मचारी झन्डै दुई...

LEAVE A REPLY

Please enter your comment!
Please enter your name here

भर्खरै

मन्त्रीहरू हेरफेर गर्दै प्रचण्ड, को को हुँदैछन् बिदा ?

प्रधानमन्त्री पुष्पकमल दाहाल ‘प्रचण्ड’ले आगामी आर्थिक वर्ष २०८१/०८२ को...

कहाँ गए प्रहरी सहायक निरीक्षकसहित १३ जवान, सात दिनभित्र हाजिर नभए जागिर चैट

प्रहरी प्रधान कार्यालयले आफूखुशी गैरहाजिर रहेका १३ जना प्रहरीलाई...

चिनियाँ उप विदेशमन्त्री सन आज किन आउँदैछन् नेपाल ?

चिनियाँ उप विदेशमन्त्री सन वेइडोङ्ग तीन दिने औपचारिक भ्रमणमा...

अबका ३ दिन धेरै ठाउँमा भारी वर्षा हुने, आज कहाँ कहाँ पर्छ पानी?

अहिले कोसी, मधेस, बागमती र गण्डकी प्रदेशका अधिकांश भूभाग...

सुशील प्याकुरेलद्वारा राजदुत पद अस्वीकार

काठमाडौँ - सुशील प्याकुरेलले राजदुत पद अस्वीकार गरेका छन्...

खेलमार्फत् अर्थतन्त्र र कूटनीतिक सम्बन्ध सुदृढ गर्न पहल लिइरहेको छु : प्रधानमन्त्री

काठमाडौँ - प्रधानमन्त्री पुष्पकमल दाहाल ‘प्रचण्ड’ले खेलमार्फत् अर्थतन्त्र र...

धेरै पढिएको