काठमाडौँ- गएराति ११:४७ मा जाजरकोट केन्द्रविन्दु भएर गएको ६ दशमलव ४ म्याग्निच्युडको भूकम्पले ठूलो क्षति पुगेको छ । भूकम्पले जाजरकोट र रूकुमपश्चिममा १२८ जनाको मृत्यु भइसकेको छ । थुप्रै घाइते भएका छन् ।
जाजरकोटका प्रमुख जिल्ला अधिकारी सुरेश सुनारका अनुसार जाजरकोटमा मात्रै मृत्यु हुनेको सङ्ख्या ९२ पुगेको छ ।
त्यस्तै रुकुम पश्चिमका प्रमूख जिल्ला अधिकारी हरिप्रसाद पन्तका अनुसार जिल्लाको आठविसकोट नगरपालिका र सानीभेरी गाउँपालिकामा अहिलेसम्म ३६ जनाको मृत्यु भएको पुष्टि भएको छ ।
