रामेछाप – मंगलबार काेराेना पाेजेटिभि देखिएका रामेछापका एक व्यक्तिको ठेगाना खुलेको छ। उनी रामेछापको खाँडादेवी गाउँपालीका वडा नम्बर १ राकाथुमका २३ वर्षीय युवा रहेको खुल्न आएको हो ।
संक्रमित युवा दुइ महिना घर बसेर बैशाख ३० गते काठमाण्डौ फर्किएको जिल्ला स्वास्थ्य कार्यालय रामेछापले जनाएको छ। यी युवासंग सम्पर्कमा रहेका १५ जनाको स्वाब परिक्षण गरि काठमाण्डौ पठाएको र क्षेत्रका सबैलाई क्वारेन्टाइनमा राखिएको छ भने टाेल सिल गरिएकाे जिल्ला स्वास्थ्य कार्यालय रामेछापका प्रमुख डा.जितेन्द्र कर्णले जानकारी दिए।
यो संगै रामेछापका २ जनामा कोरोना संक्रमण पुष्टि भएको छ । यसअघि रामेछाप घर भएका शसस्त्र प्रहरी जवानमा कोरोना संक्रमण देखिएको थियो।
