काठमाडौं – नेपाल बिद्यार्थी संघ महामंन्त्री महेश्वरी कुवंर हिरो अवार्डबाट सम्मानित भएकी छन्। मानवीय कार्यको क्षेत्रमा अग्रगामी योगदान गरेको भन्दै नेबिसंघ महामन्त्री तथा पशुपति अन्नपूर्ण आश्रम, नेपाल राष्ट्रीय समिति, पाल्पा जिल्ला शाखाका सभापति महेश्वरी कुवंरलाई अमेरिकाबाट हिजो अवार्डबाट सम्मानित गरिएको हो।
मानवीय सेवामा समर्पित महामंन्त्री कुवंरले विभिन्न समयमा पशुपति अन्नपूर्ण आश्रमबाट आफ्नो गृह जिल्ला पाल्पा लगायत नेपालका बिभिन्न जिल्लामा खाद्यान्न र लत्ताकपडा वितरण गर्दै आएकी छन्। कोरोना भाईरसले बिश्व नै आक्रान्त भईरहेका बेला जनचेतना फैलाउदै केहि दिनअघि काठमाण्डौँ र पाल्पामा मास्क, खाद्यान्न वितरण गरेकी थिईन।
