काठमाडौँ- उदयपुर रौतामाई गाउँपालिका– ८ झिरुडाँडामा सोमबार बिहान एक जनाले धारिलो हतियार प्रहार गरी आफनै श्रीमतीको हत्या गरेका छन्।
स्थानीय ५२ वर्षीय विष्णु तामाङले मादक पर्दाथ सेवन गरी ४३ वर्षीया श्रीमती दिलमाया तामाङको धारिलो हतियार प्रहार गरी हत्या गरेको जिल्ला प्रहरी कार्यालय उदयपुरले जनाएको छ ।
हत्यामा संलग्न रहेका विष्णुलाई नियन्त्रणमा लिइएको प्रहरी उपरीक्षक बुढामगरले बताए । घटनाको थप अनुसन्धानका लागि जिल्ला प्रहरी कार्यालयबाट प्रहरी टोली घटनास्थलतर्फ गएको उनले वताए ।
