रामेछाप – रामेछापको उमाकुण्ड गाँउपालिका वडा नम्बर ३ कुभुकास्थलीमा १३ बर्षिया बालिका बलात्कार गरेको अभियोगमा संगित सुनुवार ( गाैरी ) पक्राउ परेका छन । ४० बर्षिय सुनुवार नेकपाका स्थानीय नेता समेत हुन ।
जिल्ला प्रहरी कार्यालय रामेछापका प्रहरी निरीक्षक रबिभुषण यादवका अनुसार गाउ“कै विद्यालयमा कक्षा ७ मा अध्ययनरत कार्की थर भएकी एक बालिकालाई सुनुवारले मंसिर २ गते बलात्कार गरेका थिए । बालिकाले बाबु आमाको डरले उक्त घटनाबारेमा कसैलाई भनेकी थिइनन । यादवका अनुसार बालिकाले दुखाई धेरै भएपछि आमा लाई घटनाबारे भनेपछि बलात्कारको कुरा बाहिरीएको हो ।
प्रहरीले बलात्कारको किटानी जाहरीका आधारमा सुनुवारलाई पक्राउ गरी अनुसन्धानको लागि हिरासतमा राख्न रामेछाप जिल्ला अदालतबाट ७ दिनको म्याद प्राप्त भएको जनाएको छ ।
