काठमाडौं– नेपाली सेनामा उच्च पेसागत दक्षता, व्यावसायिक चरित्र तथा कार्यकुशलताका साथ जिम्मेवारी निर्वाह गर्ने ३७ जना सकलदर्जालाई प्रधानसेनापति महारथी अशोक राज सिग्देलले सम्मान गर्नुभएको छ।
जङ्गी अड्डामा आज आयोजित विशेष कार्यक्रममा उहाँले उत्कृष्ट कार्यसम्पादन गरेका सैनिकलाई प्रधानसेनापति प्रशंसा निशान तथा कदर पत्र प्रदान गर्नुभएको हो।
नेपाली सेनाका अनुसार संवेदनशील तथा चुनौतीपूर्ण परिस्थितिमा संयमपूर्वक सही मूल्याङ्कन गर्दै सैनिक मूल्य–मान्यता आत्मसात् गरी प्राप्त जिम्मेवारी उत्कृष्ट ढङ्गले सम्पन्न गर्ने राष्ट्रसेवक सैनिकहरूको योगदानको कदरस्वरूप उक्त सम्मान प्रदान गरिएको हो।
कार्यक्रममा नेपाली सेनाका रथीवृन्द, अधिकृत, पदिक तथा अन्यदर्जाको उपस्थिति रहेको थियो।
