काठमाडौं – रसुवामा आएको बाढीका कारण प्रभावितहरूको उद्धारका लागि नेपाली सेना तथा निजी क्षेत्रका गरी १५ वटा हेलिकप्टर परिचालन गरिएको छ।
उद्धार कार्यमा नेपाली सेनाका सात तथा निजी क्षेत्रका आठ हेलिकप्टर परिचालन भएका छन्। हालसम्म नेपाली सेनाका हवाई साधनमार्फत ९७ जनाको उद्धार गरिएको छ।
बाढीबाट घाइते भएकाहरूको उपचारका लागि वीरेन्द्र अस्पतालबाट खटिएको मेडिकल टोलीले त्रिशूलीस्थित नं. १ सैन्य तालिम केन्द्रमा आपत्कालीन उपचार सेवा प्रदान गरिरहेको छ।
यसैगरी, विपद् व्यवस्थापनमा प्रयोग हुने फिल्ड अस्पतालको सेट ‘BHISHMA CUBE’ एक थानसहित आवश्यक मेडिकल सामग्री, औषधि तथा उपचार उपकरणहरू त्रिशूलीतर्फ पठाउने व्यवस्था मिलाइएको छ।
बाढी प्रभावित क्षेत्रमा उद्धार तथा राहत कार्यलाई थप प्रभावकारी बनाउन सुरक्षा निकाय तथा सम्बन्धित निकायहरू समन्वयमा परिचालित छन्।
तस्वीरहरू : नेपाली सेना
