काठमाडौं — काठमाडौंको बसन्तपुरस्थित हनुमानढोका अगाडि बुधबार इन्द्रध्वजासहितको लिङ्गो ठड्याएसँगै काठमाडौं उपत्यकाको प्रमुख सांस्कृतिक पर्व इन्द्रजात्रा विधिवत् सुरु भएको छ।
भाद्र शुक्ल द्वादशीका दिनदेखि आठ दिनसम्म मनाइने इन्द्रजात्राका अवसरमा विभिन्न परम्परागत नाचगान, रथयात्रा तथा देवीदेवताको पूजाआजा गरिन्छ। जात्राका क्रममा हनुमानढोका दरबार क्षेत्रमा विभिन्न सांस्कृतिक तथा धार्मिक गतिविधि सञ्चालन हुने गर्छन्।
इन्द्रजात्रा काठमाडौं उपत्यकाको प्राचीन सांस्कृतिक परम्परा तथा ऐतिहासिक पर्वका रूपमा मनाइँदै आएको छ। तस्विर: नेपाल फोटो सर्भिस
