रामेछाप – भूकम्पले क्षतिग्रस्त भएका रामेछापका ३ वटा सरकारी कार्यालयहरुको भवन पुननिर्माण कार्य सम्पन्न गरी शुक्रबार हस्तान्तरण गरीएको छ । रामेछापको सदरमुकाम मन्थलीमा रहेको शहरी विकास तथा भवन निर्माण विभाग, डिभिजन कार्यालय, खानेपानी तथा सरसफाई डिभिजन कार्यालय र पमुख जिल्ला अधिकारीको आवासको निर्माण सम्पन्न भएको छ । निर्माण सम्पन्न भएका भवन मध्ये शहरी विकास र खानेपानी डिभिजनका भवनहरु शुक्रबार हस्तान्तरण गरेको छ । प्रजिअ आवास भने केहि दिनमा हस्तान्तरण हुने जनाइएको छ ।
एसियाली विकास वैंकको ८८ प्रतिशत र नेपाल सरकारको १२ प्रतिशत लगानीमा भुकम्प प्रतिरोधि युक्त भवनहरु निर्माणका लागि सुनकोशी÷खानी÷थोदुङ्ग जेभि संग १३ करोड ८ लाख ५७ हजार ६ सय ४४ रुपैयामा संझौता भएको थियो । भवनहरुको निर्माण सक्दा कुल १२ करोड ६८ लाख ७१ हजार ८ सय ३१ रुपैया मात्र खर्च भएको छ । निर्माण सम्पन्न भएका उक्त दुवै भवनहरु निर्माण व्यवसायी रामबाबु घिमिरेले राष्ट्रिय पुननिर्माण प्राधिकरण जिल्ला आयोजना कार्यान्वयन इकाई (भवन) रामेछापका आयोजना प्रमुख प्रभावकर लाल कर्णलाई हस्तान्तरण गरेका थिए । कर्णले शुक्रबारै सम्बन्धीत कार्यालयहरुलाई भवनहरुको चावि संघीय खानेपानी तथा ढल व्यवस्थापन आयोजनाका प्रमुख जगन्नाथ पूर्वे र शहरी विकास तथा भवन निर्माण विभागका प्रतिनिधिलाई हस्तान्तरण गरेका छन ।
निर्माण भएका भवनहरुमा कर्यालय प्रयोजन, आवास, क्यान्टीन, ग्यारेज र फर्निचरको सुविधा तथा परिसर समेतको सुविधा उपलव्ध छ । सवै भवनहरु अपाङ्ग मैत्री छन । भुकम्पले क्षतिग्रस्त जिल्लाका अन्य ३ वटा सरकारी कार्यालयहरुको भवन समेत अन्तिम चरणमा पुगेको प्राधिकरण अन्तरगतको जिल्ला आयोजना कार्यान्वयन इकाई (भवन) ले जनाएको छ ।
मन्थलीमा जिल्ला हुलाक कार्यालय र रामेछापमा जिल्ला बन र जिल्ला भू संरक्षण कार्यालयको भवन निर्मँणाधिन अवस्थामा छन । असार सम्म तिनैवटा भवनको निर्माण सम्पन्न गर्ने लक्ष्य रहेको आयोजना प्रमुख प्रभाकरलाल कर्णले वताए । यस अघि आयोजनाले जिल्ला स्थित विभिन्न १३ वटा सरकारी कार्याहरुको मर्मत संभार गर्नुका साथै भुकम्प पछिको आपतकालिन अवस्थामा कारागार, बन, भवन र प्रजिअ आवासका लागि प्रिफ्याबको निर्माण गरेको थियो । आयोजना मार्फत जिल्लाका कहि स्वास्थ्य संस्थाको पुननिर्माणको काम समेत हुदै आएको छ ।
