डम्बर निदाल
डडेल्धुरा – डडेल्धुरा अस्पतालको प्रयोगशालामा गरिएको कोरोना परिक्षणमा सुदूरपश्चिम प्रदेशमा थप ४७ जनामा कोरोना भाइरस (कोभिड–१९) को पुष्टि भएको छ । डडेल्धुरा अस्पतालको प्रयोगशालामा गरिएको परीक्षणमा दार्चुलाका ३८ र डोटीका ९ जनामा कोरोना संक्रमण देखिएको हो ।
प्रयोगशालामा पछिल्लो २४ घण्टामा १४० नमुना परीक्षण भएको अस्पतालले जनाएको छ । जस मध्ये ४७ जनाको रिपोर्ट पोजेटिभ आएको र बाकि ९३ नमुना नेगेटिभ आएको अस्पतालका प्रयोगशाला ईन्चार्ज ईश्वरी प्रसाद भुसालले जानकारी दिए ।
बिहिवार अस्पतालले सार्वजनिक गरेको सुचना अनुसार दार्चुला जिल्लाको महाकाली नगरपालिकाका ३८ जनामा कोरोना संक्रमण पुष्टि भएको छ । त्यसै गरी डोटी जिल्लाको जोरायल गाउँपालिकाका ९ जनामा कोरोना संक्रमण पुष्टि भएको अस्पतालले सार्वजनिक गरेको सुचनामा उल्लेख गरीएको छ ।
