काठमाडौं – नेकपा एमाले नेता डा. भीम रावलले विभिन्न मुलुकबाट नेपाल भित्रिएको करिब २४ लाख ‘बुस्टर डोज’ खोप गायब हुँदा सरकार किन चुप लागेको भन्दै आपत्ति जनाएका छन्।
देशमा कोरोना संक्रमण तीव्ररुपमा फैलिरहेको समयमा २४ लाख खोप गायब हुँदा सो विषयमा छानबीन गर्न सरकार किन तयार हुँदैन भन्दै नेता रावलले प्रश्न समेत गरेका छन्।
नेता रावलले खोप गायब भएको कुरा स्वास्थ्य मन्त्रालयका अधिकारीले नै सार्वजनिक गर्दा पनि सरकार चुप लाग्नु गैरजिम्मेवारीपन भएको बताएका छन्।
उनले सामाजिक संजालमा लेखेका छन्,’ देशमा कोरोना विषाणुको संक्रमण बढिरहेको बेला २४ लाख खोप गायब भएको कुरा स्वास्थ्य मन्त्रालयका अधिकारील नै सार्वजनिक गरेका छन्। यस्तो गम्भीर विषयमा छानबीन गर्न सरकार किन तयार हुँदैन? कानुन, जिम्मेवारी र नैतिककता कहाँ हरायो ?’
यसअघि स्वास्थ्य तथा जनसंख्या मन्त्रालयले करिब २४ लाख डोज खोप गायब भएको सार्वजनिक गरेको थियो।
देशमा कोरोना विषाणुको संक्रमण फेरी बढिरहेको बेला २४ लाख खोप गायब भएको कुरा स्वास्थ्य मन्त्रालयका अधिकारीले नै सार्वजनिक गरेकाछन्।यस्तो गम्भीर विषयमा छानबीन गर्न सरकार किन तयार हुँदैन? कानून, जिम्मेवारी र नैतिकता कहाँ हरायो?
— Dr. Bhim Rawal (@BhimRawal179) January 20, 2022
