राजधानीको अनामनगरमा ट्राफिक प्रहरीले प्रहरीकै गाडीमा ह्विल लक गरेको छ। महानगरीय ट्राफिक प्रहरी रामसाहपथको टोलीले प्रहरीको ना१झ १४२५ नम्बरको गाडीमा ह्विल लक लगाएको हो।
महानगरीय ट्राफिक प्रहरी महाशाखाका अनुसार सडक ढाकेर पार्किङमा राखेको गाडीमा लक लगाइएको छ । उक्त गाडीलाई नियमअनुसार चिट काटेर कारबाहीमा ल्याइएको महाशाखा प्रमुख भीम ढकालले बताए।
‘नियम मिच्ने जुनसुकै गाडीमा पनि ह्विल लक लाग्छ, हामी यसको उसको भन्दैनौं,’ ढकालले भने । यसअघि ट्राफिक प्रहरीका एक जवानले राजधानीको बबरमहलमा उच्च पदस्थको गाडीमा ह्वील लक लगाएपछि चौतर्फी उनको तारिफ भएको थियो र लक लगाएको उनको तस्बीर भाईरल बनेको थियो ।